Strandgata 11B - umsókn um breytingu á deiliskipulagi

Málsnúmer 2022100324

Vakta málsnúmer

Skipulagsráð - 400. fundur - 12.04.2023

Erindi dagsett 9. október 2022 þar sem Rögnvaldur Harðarson f.h. Akurbergs ehf. sækir um breytingu á deiliskipulagi fyrir lóð nr. 11B við Strandgötu. Fyrirhugað er að byggja aðra hæð ofan á núverandi hús. Meðfylgjandi er deiliskipulagsuppdráttur, aðaluppdrættir og umsögn Minjastofnunar Íslands um byggingaráformin.
Skipulagsráð telur framlagðar teikningar ekki samræmast yfirbragði byggðar á svæðinu auk þess sem þær eru ekki í samræmi við umsögn Minjastofnunar Íslands. Erindinu er hafnað af þeim sökum.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð - 405. fundur - 05.07.2023

Lögð fram endurskoðuð tillaga Rögg teiknistofu að breytingum á húsi á lóð nr. 11B við Strandgötu. Málið var áður á dagskrá skipulagsráðs þann 12. apríl sl. þar sem tillögu að breytingu á deiliskipulagi var hafnað þar sem áform um breytingar á húsinu þóttu ekki samræmast yfirbragði byggðar á svæðinu.

Meðfylgjandi eru aðaluppdrættir.
Skipulagsráð frestar afgreiðslu þar til umsögn Minjastofnunar Íslands um tillöguna liggur fyrir.

Skipulagsráð - 409. fundur - 27.09.2023

Lögð fram umsögn Minjastofnunar Íslands um endurbætta tillögu Röggvar teiknistofu að breytingum á húsi á lóð nr. 11B við Strandgötu. Málið var áður á dagskrá skipulagsráðs þann 12. apríl sl. þar sem tillögu að breytingu á deiliskipulagi var hafnað þar sem áform um breytingar á húsinu þóttu ekki samræmast yfirbragði byggðar á svæðinu.
Í ljósi umsagnar Minjastofnunar Íslands hafnar skipulagsráð framlagðri tillögu að breytingum á húsi á lóð nr. 11B við Strandgötu.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð - 420. fundur - 27.03.2024

Erindi dagsett 13. mars 2024 þar sem að Rögnvaldur Harðarson f.h. Akurbergs óskar eftir því að umsókn um deiliskipulagsbreytingu verði tekin fyrir aftur. Fyrir liggur umsögn Minjastofnunar Íslands dagsett 7. febrúar 2024 þar sem fyrirhugaðar breytingar á húsinu eru heimilaðar.
Skipulagsráð samþykkir að heimila umsækjanda að leggja fram tillögu að breytingu á deiliskipulagi til samræmis við erindið. Er skipulagsfulltrúa falið að kynna tillöguna skv. 4. mgr. 40. gr. skipulagslaga nr. 123/2010 þegar fullnægjandi gögn hafa borist.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.