Fréttasafn

Nýlega var haldið fyrsta ringó-mótið á Akureyri undir formerkjum Virkra efri ára og Félags eldri borgara á Akureyri (EBAK). Í Íþróttahöllina mættu rúmlega fimmtíu glaðir þátttakendur yfir 60 ára aldri. Alls voru níu lið skráð til leiks: Þrjú frá Glóð í Kópavogi, eitt frá UMSB í Borgarfirði, eitt frá USVH á Hvammstanga, þrjú frá EBAK og svo loks eitt blandað lið skipað EBAK- og HSK-fólki.

Forsetakosningar fara fram 1. júní næstkomandi. Kjörskrá Akureyrarbæjar liggur frammi til sýnis í þjónustuveri bæjarins í Ráðhúsi að Geislagötu 9, á skrifstofu Akureyrarbæjar í Hrísey og í búðinni í Grímsey á venjulegum opnunartíma frá 13. maí og fram að kjördegi.

Fyrstu kríurnar þetta árið í Grímsey sáust um helgina.

Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti.

Bæjarstjórn Akureyrarbæjar kemur saman til fundar þriðjudaginn 7. maí næstkomandi kl. 16.

Barnamenningarhátíð 2024 er lokið en hún stóð allan aprílmánuð á Akureyri. Dagskráin hefur verið stútfull af litríkum og fjölbreyttum viðburðum, gefandi viðfangsefnum og uppákomum fyrir börn á öllum aldri.

Síðasta laugardag lauk formlegri opnun Hlíðarfjalls þennan veturinn á lokadegi Andrésar Andarleikanna sem tókust frábærlega með metþátttöku.